هذه القصيده من روائع الاستاذ الفاتح ابراهيم بشير التي صاغها بكلمات جميل تتخللها رومانسية ودف في كلماتها وتغني بها الاستاذ جعفر السقيد وهذه هي القصيده
اريتو لو الشوق ذي البريد بطوف
انا كنت ياخلاي سويتو في مظروف
وسطرته بي دمي اجمل وارقي حروف
وعنونتو لي انسان ملك السمع والشوف
زولآ بريدو شديد كان لي مسافه وطوف
في لجة الاحزان وكتين ملانا الخوف
بهواها بي اخلاص ودغدغ هواها الجوف
ما استغلا هواي مع إني بيهو شغوف
علمني كيف الريد نبنيهو طوف فوق طوف
ونتحدي للآلآم ونتجاوز أي ظروف
لو جابو ليهو الحور قدامو ماشه صفوف
اريت وصالنا يدوم مايبقي بينا عزوف
نوصل مراسي الريد بعد الشقي المردوف
انا أصلي ياخلاي بين الخلوق معروف
زولآ بريد الناس ودايمآ قليبي شغوف
أنا نفسي أشيد دار بالريد دوام مسروف
لي كل زول مظلوم ردا الحبيب مكسوف
واكتب عكي بابو تعبير دوام مألوف
ياصاحبي لاتحزن في الدنيا نحن ضيوف
وضــــــــــــــــــاح