منتديات وضاح عبدالمنعم الباشا

وضاح بريدو اسم السرور اسمك وضح عاجباني امك في البنات وعاجبني ابوك الما انفضح شايل الحمالة هو من جهلتوا وللضيوف بملا القدح الفين قبيلةهو ما بتهدو الميرفابي الباشا جدو
 
الرئيسيةالبوابةاليوميةس .و .جبحـثالأعضاءالمجموعاتدخولالتسجيل

شاطر | 
 

 فاقد سبيلك

اذهب الى الأسفل 
كاتب الموضوعرسالة
ابو ميار

avatar

عدد المساهمات : 51
تاريخ التسجيل : 25/03/2013
العمر : 29

مُساهمةموضوع: فاقد سبيلك   السبت أبريل 13, 2013 2:02 pm

قصيدة
فاقد سبيلك

من روائع الشَّاعر السّودانيّ
الأستاذ/ محمد المهدي حامد
تغنَّى بها المبدع ميرغنى النَّجار




انت لي وين ماشي يافاقد سبيلك
جـوَّة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
انــت باديـلـك طـريـق مابنتهيـلـك

ضـارب الوديـان تفـتـش والـبـرارى
فى ضـلام الـروح تهبـِّش ماكـا دارى
انـو مكتوبلـك مصيـر ذى الغـفـارى
ولامتيـن تقعـد تصـارع مستحيـلـك ؟

انت حلمك تمسـك الضـو بيـن ايدينـك
الشعاع مابتمسك رغم انو فيك ومالى عينك
السـراب سـرَّاب يسـرِّب فـى سنينـك
وانت ماك عـارف شمالـك مـن يمينـك

ماشى وين يا عابر ارجـع لـى صوابـك
باباك المسـدود تصـور حتـى بابـك !!
فيـه مكتـوب ليـك مليـون ماحبابـك !
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك

الحلم جنبك قريب لكنو فـى بعـد الثريـا
ياشعـاع مـن نـازل الــذات العلـيـا
داير اضمـك مـرة بـس بينـات ايديـا
وداير اصرخ مرة فى وش الزمان المابقدر
كـان صراخـى يخفـف الالام شـويـة
أو صـداه يخـدرك يحـجـاك يقيـلـك

آهـة ياسخـريـة الاقــدار خـسـارة
ويا وجع ناس اصبـح الانسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور احلامو قبل اليـوم دا هيلـك

داير أكون لو حتـى لـى لحظـات انانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك

ودمتم رائعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فاقد سبيلك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات وضاح عبدالمنعم الباشا :: منتديات وضاح عبدالمنعم الباشا :: منتدي الشعر والادب :: شعر سوداني-
انتقل الى: