ابو ميار
عدد المساهمات : 51 تاريخ التسجيل : 25/03/2013 العمر : 34
| موضوع: العشق في سوق الدجالين السبت أبريل 13, 2013 3:16 pm | |
| سؤال ...!!؟ إذا كان ممكن يكون للعشق وجهين فما ذنب القلب إذا صرّح عديل كرهتك ... مدخل : كرهتك ... ولا ياني لا وقـف الزمن بعدك ولا الزمن البعرفك ياهو ..!! كرهتك ... ولا ياني لا سكت الكلام الصاح ولا مات في الشعر نبضو ..!! كرهتك ... ولا ياني لا مات الفرح فيني ولا زاد الحزن حزنو ..!! كرهتك ... ولا ياني ولا طلعت شمس بالليل ولا سرق الليل لسان الضو ..!! كرهتك ... ولا ياني نص : طلعت براك ولا كان باب الرجوع مقفول طلعت وراك ولا كان حلم الوصول مجهول وإترجيتك ..أيا هناك أقيف تضحك .. ولا عارف خطاك سايقاك لي وين ..!! وإترجيتك.. أيا هناك أقيف أخاف ولا تلحق خطاك علي الفاتو وأخاف ولا تلم خطاك مع الجايين وإترجيتك .. أيا هناك أقيف مشيت .. يا براك ولا كأني ندهت عليك عليك يسهل وعلي باقي الدموع نازلين ولا ندمان باعني العشق في سوق الدجالين ولا سعراً يسر العين باعني العشق ولا فارق معاي البيع ولا فارق معاي الشراني منو ..!؟ شراني هواك ... ولا ندمان باعني هـواك ... ولا ندمان غنّيت ... ولا من يفهم معنى غناي مات الشعر ... ولا منك إنكسر الوتر ... ولا منك بح صوت الناي ... ولا ندمان لا الحلم الحلمتو معاك وصل لي قيف... ولا ندمان ولا المصايب الجاتني بعدك بتقيف ... ولا ندمان لقيتك ... غباني الشوق ولا عـارف ... شفتك وين !؟ لقيتك .. غباني الشوق ولا فـــاكر ... شفتك وين !؟ لقيتك .. غباني الشوق ولا هماني... شفتك وين !؟ شفتك وين .. ولا ندمان لقيتك ... غبتني الفرحة لميت خيوط الهم منك وقعت همومي على همك نزل همك على كتف الحزن صرخه .. ولا ندمان كان الوجع مكشوف وزاد الوجع محنه.. ولا ندمان ... تبيت على صدر السماء حفيان ... ولا تفكير وين نجمة شروق الطير غابت ... ولا مني طارت أفراحي طارت حد الوجع يا فوق لا مست كبد السماء وسكنت حضن الغير وأنا وأوجاعي لافين في سماء الأحلام لا فين بلا تدبير لافين نفتش فيك في السماء الأول ... ولا لقيتك في السماء التاني .. ولا لقيتك في السماء التالت ..ولا لقيتك في السماء العاشر ..ولا لقيتك ولا ندمان
| |
|