تلقاني في كل الظروف
قلبا موشح بانتماك
وتلقاني بين كل الحروف
اسما وحيد حامل لواك
تلقاني كلي سمع وشوف
لمن تهل طلعة بهاك
ولو حتى يوم ساورني خوف
بلقى الأمان أنا في ضراك
لو كل الظروف حكمت تباعدك عني
وجواك قفلت كل المنافذ مني !!
برضك لي غيم حجب الهجير عن دني
اسمك كل حين يا روحي بيهو بغني
ويارب فيه دوم ادعوك هناك سكني
أو ارأف علي وأقل شيء ،، جنني !
أنا بعترف ،،،
إنك براك أصل الولف
وبنبوع حنينا ما بجف
ووصفك من الناس البشوف
شيء مختلف !
ما بشبهك غير نفسك
انت براك يا حد الوصف
ومن تاني ليك أنا بعترف
قلبي في هواك صار ليك وقف
وقفا على حبك براك
يا المن حنانك وطيب ودادك
ومنحك الطيب برتشف
وارويه جفاف تلك السنين
الفاتو من عمري التلف
الليلة يا خاطري الكفيف
عينيك نور ابصاره .. آب
واتوارى تبريح الأنين
من خلف اسوار الغياب
وصار الحنين لغة اتصال
بين صوت ندااااي !
واحساسك العامر شباب