من طرف الحبيب
الشاعر : الصادق إلياس
من طرف الحبيب جات أغرب رسايل
يحكي عتابو فيها وقال ناسنو قايل
ياما قال حكاوي ما خطرت ببالي
قال في كل كلمة إني جفيت وسالي
ما ناسيك والله ذكراك شاغلا بالي
لو في كل لحظة لو تعلم بحالي
لو أنسا ك إنت
اكون غدار وخنت
أسأل عني غيري
واحكم في مصيري
ياما تشوف دلايل
ياما قال كلام ما لي دخل بيه
إني بروح لى غيرو بهوى وبصطفيه
لالا والف لالا ده حبك عشت بيه
ان شاء الله حياتي تفنى لو فكرت فيه
بدل أشواق ومحنه ترسل لي مظنة
كلام يجرح شعوري وما يريح ضميري
من زول عنه سائل